حب فلاحى من اعماق بلدنا

سبحانه - خلق الورد احمر وسط غصون خضرا
موش زى ما انت حرقتى القلب -وخلتيه جمرا
دا ابوكى شق سواد الارض -وحوله جنه
الكل يأكل ثمرها -يتغذى بحبوبها ويحلى بالتمرا
سواد عيونك يا روحى -انتقل قلبك
وخلى ليلى فى حبك -سحابة سوداء غطت لنا القمرا
ليه يبقى وشك خشن -تين شوكى بيشكوك
وكأنى بحلب جاموسه=والقشده بقت سمرا
وبعد ما كنت اتوه -باللمس فى ايديك او نظره فى عنيكى-والشهد بين الشفايف كانه كاس خمرا
اصبحت جميز حياتى -وذره ناشف ومتسوس
زى اللى ساقى شراقى ومتوره عاز عمرا
********************************************************
لو ان نورج غدر وبقاش يجيب همه
وسلاحه مال وانكسر .. والقمح ضاع ضمه
كمثل طفل كان ماشى فى المولد
وفجأه تاه فى الغيطان موش لاقى كمان امه
كمثل حب الفقير فى حكوره لحبيبته
جيتله اسوأ غفير وبد لالحنان غمه
قعد يصوصو يقول يا خرابى حبيتها
طوافه الجلده شاهده والقش مين لمه
جوابات كتيره فى ايديه حديها للعمده
وتشوفوا مين كان كاتبها بقلمه وكان دمه
والحب فى الريف طهاره ونقاء يا بنت الناس
ما فى حد غاوى التسالى مع واحد بتخمه

من طرف **فرج البربري** الإثنين يوليو 04, 2011 8:25 pm

والحب فى الريف طهاره ونقاء يا بنت الناس

الحب العذري
أو الحب العفيف
شكرا أستاذنا كثيرا ما تذكر لنا مايربطنا بواقعنا الذي كان
وارتباطك الشديد بالبيئة والكيان الفطري الذي كنا نتمني معيشته
النورج ضم القمح
الجميز وشجرته وإن كانت هنا بمعنى السمنة التي ضد النحافة
طوافة الجلة كوم القش
تقبل مروري

حب فلاحى من اعماق بلدنا

حب فلاحى من اعماق بلدنا

رد: حب فلاحى من اعماق بلدنا